Thula တူ ရာသီ (Libra) လဂ် (Ascendant)
မွေးဇာတာ လဂ် = ဂြိုလ်အိမ် နံပါတ် (၁) တူရာသီ (Libra)
ဂြိုလ်အိမ် နံပါတ် (၂) ဗြိစ္ဆာရာသီ (Scorpio)
ဂြိုလ်အိမ် နံပါတ် (၃) ဓနုရာသီ (Sagittarius)
ဂြိုလ်အိမ် နံပါတ် (၄) မကာရရာသီ (Capricorn)
ဂြိုလ်အိမ် နံပါတ် (၅) ကုံရာသီ (Aquarius)
ဂြိုလ်အိမ် နံပါတ် (၆) မိန်ရာသီ (Pisces)
ဂြိုလ်အိမ် နံပါတ် (၇) မိဿ ရာသီ (Aries)
ဂြိုလ်အိမ် နံပါတ် (၈) ပြိဿရာသီ (Taurus)
ဂြိုလ်အိမ် နံပါတ် (၉) မေထုန်ရာသီ (Gemini)
ဂြိုလ်အိမ် နံပါတ် (၁၀) ကရကဋ်ရာသီ (Cancer)
ဂြိုလ်အိမ် နံပါတ် (၁၁) သိဟ်ရာသီ (Leo)
ဂြိုလ်အိမ် နံပါတ် (၁၂) ကန်ရာသီ (Virgo)
မှတ်ချက်။ ။ အောက်ပါ ခန့်မှန်းချက် ဟောကိန်းသည် ပထမအိမ် မှာ လာဂ်ကိုထားပြီး အခြား ရာသီ ဂြိုလ်များကို အိမ် ၁၂ အထိ တဂြိုလ် တအိမ်နုံးနဲ့ အစဉ်လိုက်တည်ရှိနေသည်ဟု့ ယေဘူရ ယူဆကာ တွက်ချက်ထားခြင်းဖြစ်သည်။ တခါတရံမှာ တချို့သောသူများရဲ့ မွေးတဲ့အချိန် နဲ့ မွေးရာဒေသများကြောင့် ရာသီဂြိုလ် ၂ခု ဟာ အိမ်တအိမ်ထဲမှာ ရှိနေတတ်ပြီး အချို့အိမ်တွေမှာ ဘာဂြိုလ်မှ မရှိတတ်ကြသလို တချို့ ဂြိုလ်တွေက အိမ် ၂ အိမ်ကို ခွပြီး ဆက်တိုက်နေရာ ယူထားတတ်ကြလို့ ထိုသူများရဲ့ ပုံမှန်မဟုတ်သော ရာသီခွင်တွေအတွက် မမှန်နိုင်ပါ။
မွေးဇာတာ လဂ်က တူရာသီ လီဘရာနတ်ခတ် ကို သောကြာဂြိုလ် စိုးမိုးသဖြင့် ထိုလဂ်နဲ့ မွေးလာသူတို့သည် အရပ်မြင့် ပါးလွားကာ သေးကွေး သလို ထင်ရသော်လည်း သန်စွမ်းသော အရိုးအဆစ်များ ရှိတတ်ကြသလို လှပသော မျက်လုံးများ၊ ဆွဲဆောင်မူ့ အားကောင်းသော ကြည့်ကောင်းသော ကိုယ်ရေးကိုယ်သွေးများလဲ ရှိတတ်ကြပါတယ်။ သတ္တိရှိပြီး ခြေဦးတည်ရာ သွားလာတတ်သော အမြဲလို ပြုံးနေတတ်သော သူတို့သည် အစားအသောက်ကျုးကြကာ၊ ပျင်းရိတတ်သလို အလွန်အမင်း အစွဲအလန်းကြီးသူများ ဖြစ်ကြသတဲ့။ သူတို့သည် ကျောက်ကပ် နဲ့ ဆီးလမ်းကြောင်း ဘရိတ်ဒါရောဂါ၊ အရေပြားရောဂါ၊ အစာချေဖျက်မူ့ဆိုင်ရာ ရောဂါများ ဖြစ်လွယ်တတ်ပါသတဲ့။ ထို့ကြောင့် သူတို့ဟာ အလွန်အကျုး လုပ်တတ်တဲ့ အကျင့်တွေ နဲ့ လူနေမူစတိုင်ကို ကျန်းမာရေးနဲ့ ညီညွတ်အောင် ကျင့်ကြံနေထိုင် သင့်ပါသတဲ့။ သူတို့ဟာ အလွန်ဈေးကြီးတဲ့ လက်ဝတ်ရတနာ နဲ့ လူ့အသုံးဆောင်ပစည်းတွေကိုလဲ ကြိုက်နှစ်သက်ကြသတဲ့။ ထို့ပြင် သုူတို့ဟာ နားထောင်တတ်တဲ့ စွမ်းအားကောင်းတာကြောင့် ကျောင်းဆရာကောင်းတွေ၊ ကောင်ဆယ်လာတွေ နဲ့ ရောဂါအလိုက်အထူးကုသပေးတဲ့ သာရက်ပစ်ဒ်တွေလဲ ဖြစ်နိုင်ပါသတဲ့။
ဒုတိယမြောက်အိမ်မှာ ဗြိစ္ဆာရာသီ စကော်ပီယိုနတ်ခတ် ကို အင်္ဂါဂြိုလ် စိုးမိုးသဖြင့် (Mars occupy 2nd house and Scorpio ruled) အိမ်ထောင်ရေးပျော်ရွင်မူ့၊ ကုရခက်ရောဂါ နဲ့ ပတ်သက်လာနိုင်မူ့၊ ခွဲစိပ်ကုသခံရနိုင်မူ့၊ လှိုျ့ဝှက်ငွေဝင်နိုင်မူ့၊ အမြွေရနိုင်မူ့၊ ကာမနှင့်သက်ဆိုင်သော ကိစ္စများ၊ အကျဉ်းထောင် အချုပ်တို့နဲ့ ပတ်သက်မူ့၊ သုတေသနလုပ်ငန်းများ နဲ့ လျို့ဝှက်ပညာများ၊ စသည်တို့နဲ့ ပတ်သက်ပါသတဲ့။ အကောင်းအဆိုး အကြောင်းအကျိုးအတွက် အင်္ဂါဂြိုလ် ရဲ့ တည်နေရာပေါ်မှာ မူတည်သဖြင့် မွေးဇာတာခွင်ကို ကြည့်မှ ပိုသိနိုင်ပါသတဲ့။ အထွေထွေအနေနဲ့ ပြောရမယ်ဆိုရင် သူတို့တွေဟာ သူတို့ရဲ့ လောဘ ဒေါသ မောဟတွေ တိုက်တွန်းချက်နောက်လိုက်စေတဲ့ ဆုံးဖြတ်ချက်တွေနဲ့ အချိန်တွေ ငွေတွေ ကုန်နေတတ်ပါသတဲ့။ ပြီးတော့ သူတို့က ရေရှည်အတွက်မစဉ်းစားဘဲ ခဏတာအတွက်ဘဲ တွေးလေ့ရှိပါသတဲ့။ သူတို့သည် စိတ်လူပ်ရှားတတ်ကြ၊အငြင်းလဲသန်၊ စိတ်မြန်ပြီး ကာမသန်၊ ရာဂထန်သော သူများဖြစ်ကြပါသတဲ့။
တတိယမြောက်အိမ်မှာ ဓနုရာသီ စက်ဂျီတေးရိယတ်နတ်ခတ် ကို ကြာသာပတေးဂြိုလ် စိုးမိုးသဖြင့် (Jupiter occupy 3rd house and Sagittarius ruled) အဖေမိဘ၊ ကံတရား၊ စေတီ၊ ဘုရား၊ ဘုန်းကြီးကျောင်း၊ ဘာသာရေး၊ ခရီးရှည်၊ နိုင်ငံခြားခရီး စသည်တို့နဲ့ ပတ်သက်ပါသတဲ့။ အကောင်းအဆိုး အကြောင်းအကျိုးအတွက် အင်္ဂါဂြိုလ် ရဲ့ တည်နေရာပေါ်မှာ မူတည်သဖြင့် မွေးဇာတာခွင်ကို ကြည့်မှ ပိုသိနိုင်ပါသတဲ့။ အထွေထွေအနေနဲ့ ပြောရမယ်ဆိုရင် အဖေဟာ ပညာလဲတတ်၊ ဘာသာတရားကိုင်းရိုင်းပြီး လူမူရေးကောင်းကာ ပျော်တတ်ရွှင်တတ်တဲ့သူမျိုးဖြစ်ပါသတဲ့။ သူတို့ကတော့ ကျင့်ဝတ်ထုံးတမ်းအစဉ်အလာ၊ ယုံကြည်မူ့ဘာသာ တို့ကို လေးစား လိုက်နာ တတ်ကြပြီး ခရိးသွားခြင်း၊ ဘာသာစကားသင်ယူခြင်းကို နှစ်သက်ကြပါတယ်။ စကားစစ်ထိုးမူ့ကောင်းခြင်း၊ ဆန်ကျင်ဖက်တို့ကို ထောက်ပြဝေဖန်မူ့ အားကောင်းခြင်း နဲ့ စကားပြောရာမှာ ဆွဲဆောင်မူ့ကောင်းခြင်းတို့ကြောင့် လူမူရေး စည်းရုံးရေး နိုင်ငံရေး အနုပညာ နယ်ပယ်တွေမှာ အရေးကြီး နံမည်ကြီးသူများ ဖြစ်လာနိုင်ပါသတဲ့။
စတုထ္တမြောက်အိမ်မှာ မကာရရာသီ ကက်ပရီကွန်နတ်ခတ် ကို စနေဂြိုလ် စိုးမိုးသဖြင့် (Saturn occupy 4th house and Capricorn ruled) အသက်မွေးဝမ်းကြောင်း အလုပ်အကိုင်၊ တာဝန်ယူမူ့၊ တာဝန်ခံမူ့၊ နံမည်ကြီးလူသိများမူ့၊ စသည်တို့နဲ့ ပတ်သက်ပါသတဲ့။ အကောင်းအဆိုး အကြောင်းအကျိုးအတွက် စနေဂြိုလ် ရဲ့ တည်နေရာပေါ်မှာ မူတည်သဖြင့် မွေးဇာတာခွင်ကို ကြည့်မှ ပိုသိနိုင်ပါသတဲ့။ အထွေထွေအနေနဲ့ ပြောရမယ်ဆိုရင် သူတို့ဟာ စည်းရုံးမူ့အားကောင်း၊ ခေါင်းဆောင်မူ့ အရည်အချင်းရှိ၊ အလုပ်ကျိုးစားပြီး ပန်းတိုင်ကို မမှိတ်မသုံ အရောက်လှမ်းတတ်တဲ့သူတွေဖြစ်ကြသော်လည်း အစနှေးတတ်သူများဖြစ်ပါသတဲ့။ သိပ္ဗံပညာ၊ သုတေသနပညာ၊ ပညာရေးဌာန ဆိုင်ရာလုပ်ငန်းများ၊ သတ္တုဗေဒပညာ၊ ပန်းပု ရုပ်ထု ဖောင်းကြွ စတဲ့ ပညာတွေမှာ အောင်မြင်နိုင်ပြီး ဒါရိုက်တာ၊ မန်နေဂျာ နဲ့ စီစဉ်ညွန်ကြား
သူတွေ ဖြစ်နိုင်ပါသတဲ့။
ပဉ္စမမြောက်အိမ်မှာ ကုမ်ရာသီ အက်ကွာရိယပ်စ်နတ်ခတ် ကို စနေဂြိုလ် စိုးမိုးသဖြင့် (Saturn occupy 5th house and Aquarius ruled) အကျိုးအမြတ်၊ အခွင့်အရေး၊ အကို အစ်မ၊ သူငယ်ချင်း မိတ်ဆွေ၊ စသည်တို့နဲ့ ပတ်သက်ပါသတဲ့။ အကောင်းအဆိုး အကြောင်းအကျိုးအတွက် စနေဂြိုလ် ရဲ့ တည်နေရာပေါ်မှာ မူတည်သဖြင့် မွေးဇာတာခွင်ကို ကြည့်မှ ပိုသိနိုင်ပါသတဲ့။ အထွေထွေအနေနဲ့ ပြောရမယ်ဆိုရင် သူတို့တွေဟာ လူမူရေးကောင်းပြီး ပွင့်ပွင့်လင်းလင်း ဆက်ဆံတတ်သူတွေ ဖြစ်ကြပေမဲ့ တပါးသူတွေအပေါ်မှာ ခပ်တင်းတင်း နဲ့ အဆုံးအဖြတ၊ အမိန့်ပေးတတ် သူတွေ ဖြစ်ကြပြီး၊ အလေးအနက်ထားသူ၊ တာဝန်ယူတတ်သူ၊ သစ္စာရှိသူတွေကိုသာ ရွှေးပြီး အပေါင်းအသင်း လုပ်တတ်လေ့ ရှိပါသတဲ့။
ဆဌမကြိမ်မြောက်အိမ်မှာ မိန်ရာသီ ပိစ်နတ်ခတ် ကို ကြာသာပတေးဂြိုလ် စိုးမိုးသဖြင့် (Jupiter occupy 6th house and Pisces ruled) အသုံးစရိတ်၊ စားသောက်မူ့အကျင့်၊ နိုင်ငံခြားခရိး၊ ဆေးရုံတက်၊ ခိုးမူ့၊ အချုပ်အနှောင် စသည်တို့နဲ့ ပတ်သက်ပါသတဲ့။ အကောင်းအဆိုး အကြောင်းအကျိုးအတွက် ကြာသာပတေးဂြိုလ် ရဲ့ တည်နေရာပေါ်မှာ မူတည်သဖြင့် မွေးဇာတာခွင်ကို ကြည့်မှ ပိုသိနိုင်ပါသတဲ့။ အထွေထွေအနေနဲ့ ပြောရမယ်ဆိုရင် သူတို့က တယောက်ထဲနေပြီး သူတို့ရဲ့ ဘာသာရေး ယုံကြည်မူ့ နဲ့ စိတ်နယ်လွန်ခြင်းတွေကို ရှာဖွေစူးစမ်းလိုကြပါသတဲ့။
သတ္တမကြိမ်မြောက်အိမ်မှာ မိဿ ရာသီ (Aries) ကို အင်္ဂါဂြိုလ် စိုးမိုးသဖြင့် (Mars occupy 7th house and Aries ruled) အသုံးစရိတ်၊ စားသောက်မူ့အကျင့်၊ နိုင်ငံခြားခရိး၊ ဆေးရုံတက်၊ ခိုးမူ့၊ အချုပ်အနှောင် စသည်တို့နဲ့ ပတ်သက်ပါသတဲ့။ အကောင်းအဆိုး အကြောင်းအကျိုးအတွက် ကြာသာပတေးဂြိုလ် ရဲ့ တည်နေရာပေါ်မှာ မူတည်သဖြင့် မွေးဇာတာခွင်ကို ကြည့်မှ ပိုသိနိုင်ပါသတဲ့။ အထွေထွေအနေနဲ့ ပြောရမယ်ဆိုရင် သူတို့က စည်းစိမ်ခံစားမူ့မှာ အလွန်ကြိုက်နှစ်သက်သူတွေဖြစ်သဖြင့် ကိုယ်ကျိုးမနဲအောင် အလွန်အကွျှံမဖြစ်အောင် သတိထားရမဲ့သူတွေဖြစ်တယ်။ အလွန်အမင်း အကျိုးအမြတ်ကို မတော်လောဘနဲ့ ရဘို့ကျိုးစားရင်း ရှိတာပြောင်နိုင်ကိန်းလဲ ရှိတတ်ကြပါသတဲ့။
အဌမကြိမ်မြောက်အိမ်မှာ ပြိဿရာသီ သောကြာဂြိုလ် စိုးမိုးသဖြင့် (Taurus occupy 8th house and Venus ruled) မိသားစု ကိစ္စအရေး၊ စိးပွားရေး၊ ဝင်ငွေ၊ အကြွေး၊ မျက်လုံး၊ သွား၊ စားသောက်မူ့ အလေ့အကျင့်၊ ကာယကံရှင်ရဲ့ သေရေး၊ အိပ်မရရောဂါ၊ အလုပ်အကိုင် နဲ့ အချုပ်အနှောင် စတာတွေနဲ့ ပါတ်သတ်တယ်လို့ဆိုပါတယ်။ အကောင်းအဆိုး အကြောင်းအကျိုးအတွက် သောကြာဂြိုလ် Venus ရဲ့တည်နေရာပေါ်မှာ မူတည်သဖြင့် မွေးဇာတာခွင်ကို ကြည့်မှ ပိုသိနိုင်ပါသတဲ့။ အထွေထွေအနေနဲ့ ပြောရမယ်ဆိုရင် ဒီဇာတာရှင်မှာ မွေးရာပါ အရည်အချင်းတွေ ပါလာတတ်ပါသတဲ့။ ငွေကြေးပိုင်ဆိုင်မူ့နဲ့ လုံခြုံမူ့ကို အလေးထားတတ်ကြသလို အစားအသောက် နဲ့ ကာမဂုဏ်မှာ အလွန်ပျော်ပါးလိုကြသတဲ့။
နဝမကြိမ်မြောက်အိမ်မှာ မေထုန်ရာသီ ဗုဒ္ဓဟူးဂြိုလ် စိုးမိုးသဖြင့် (Gemini occupy 9th house and Mercury ruled) သတ္တိဗျတ္တိ၊ ခံန္ဓာကိုယ် ကြံခိုင်မူ့၊ ကာမဆက်ဆံနိုင်မူ့ အခြေအနေ၊ အောင်မြင်ကျော်ကြားမူ့၊ ခရီးသွားလာမူ့၊ မိတ်ဆွေ၊ စစ်တပ်၊ စိတ်စွမ်းရည်၊ ဖန်တီးမူ့၊ အားကစား၊ ပန်းချီ ပန်းပု၊ ဂီတ စတဲ့ အနုပညာ၊ ပခုံး၊ နားရွက်နဲ့ လည်ချောင်းစတဲ့ ခန္ဓာကိုယ် အစိတ်အပိုင်း၊ မိဘ၊ မိထွေးတို့ရဲ့ ကျန်းမာရေး၊ ညီ၊ ညီမတို့ အကြောင်း စသည်တို့နဲ့ ပတ်သက်ပါသတဲ့။ အကောင်းအဆိုး အကြောင်းအကျိုးအတွက် ဗုဒ္ဓဟူးဂြိုလ် Mercury ရဲ့တည်နေရာပေါ်မှာ မူတည်သဖြင့် မွေးဇာတာခွင်ကို ကြည့်မှ ပိုသိနိုင်ပါသတဲ့။ အထွေထွေအနေနဲ့ ပြောရမယ်ဆိုရင် ဒီဇာတာရှင်ဟာ အခြားသူများကို နားလည်အောင် သဘောကျအောင် စကားပြောကောင်းသူများဖြစ်ကြပြီး ပုံပြောကောင်းသူတွေလဲ ဖြစ်ကြပါသတဲ့။ သူတို့ရဲ့ ညီ၊ ညီမတွေဟာလဲ အတတ်ပညာတော်ပြီး၊ စိးပွားရေး တတ်ကွျှမ်းနားလည်သူတွေဖြစ်ကြပါသတဲ့။ သူတို့ရဲ့နေအိမ် နဲ့ အလုပ်အကိုင်တွေဟာလဲ မကြာခဏရွေ့ပြောင်းနေရတတ်ပါသတဲ့။
ဒဿမကြိမ်မြောက်အိမ်မှာ ကရကဋ် ကင်ဆာရာသီ တနင်းလာ လဂြိုလ် စိုးမိုးသဖြင့် (Moon occupy 10th house and Cancer ruled) ပျော်ရွင်မူ့၊ အမေ၊ စည်းစိမ်ဥစ္စာ၊ ကားတိုက်မုူ့၊ အိမ်၊ မြေ၊ ခြံ ပိုင်ဆိုင်မူ့၊ ရင်ပတ်၊ ရင်အုံ စတဲ့ ခန္ဓာကိုယ် အစိတ်အပိုင်း၊ စသည်တို့နဲ့ ပတ်သက်ပါသတဲ့။ အကောင်းအဆိုး အကြောင်းအကျိုးအတွက် တနင်းလာဂြိုလ် Moon ရဲ့တည်နေရာပေါ်မှာ မူတည်သဖြင့် မွေးဇာတာခွင်ကို ကြည့်မှ ပိုသိနိုင်ပါသတဲ့။ အထွေထွေအနေနဲ့ ပြောရမယ်ဆိုရင် အမေလုပ်တဲ့သူက ရိုးရာကို ထိမ်းကြောင်းသူ၊ မိသားစုကို ချစ်သော်လည်း စိတ်ပျောင်းလွယ်၊ စိတ်ဆိုးလွယ်၊ သူလုပ်တာ သိတာ အမှန်လို့ ထင်နေပြီး တင်းကြပ်တဲ့ မိသားစုမျိုးကို တည်ထောင်လိုသူ ဖြစ်နိုင်ချေရှိပါသတဲ့။
ဆယ့်တစ်ကြိမ်မြောက်အိမ်မှာ သိဟ်ရာသီ လီယိုနတ်ခတ် တနင်းဂနွေ နေဂြိုလ် စိုးမိုးသဖြင့် (Sun occupy 11th house and Leo ruled) သားသမိးရေး၊ ပညာရေး၊ ကိုးကွယ်ယုံကြည်မူ့၊ နိုင်ငံခြား ပညာတော်သင်၊ သင်ယူလေ့လာသင့်သော ဘာသာရပ် စသည်တို့နဲ့ ပတ်သက်ပါသတဲ့။ အကောင်းအဆိုး အကြောင်းအကျိုးအတွက် တနင်းဂနွေဂြိုလ် ရဲ့ တည်နေရာပေါ်မှာ မူတည်သဖြင့် မွေးဇာတာခွင်ကို ကြည့်မှ ပိုသိနိုင်ပါသတဲ့။ အထွေထွေအနေနဲ့ ပြောရမယ်ဆိုရင် ခလေးယူတာကို အချိန်ဆွဲခြင်း (သို့) သားသမိး မွေးမြူထိမ်းကျောင်းရန် အခက်အခဲရှိတတ်ပြီး ပွဲလမ်းသဘင် ရုပ်ရှင် နဲ့ ပါတီပွဲတွေမှာ အချိန်အား၊ ငွေအား သုံးကာ ပျော်ရွင်နေတတ်ကြသူတွေဖြစ်ပါသတဲ့။
ဆယ့်နှစ်ကြိမ်မြောက်အိမ်မှာ ကန်ရာသီ ဗာဂိုနတ်ခတ် ကို ဗုဒ္ဓဟူးဂြိုလ် စိုးမိုးသဖြင့် (Mercury occupy 12th house and Virgo ruled) အကြွေးကိစ္စ၊ ဒဏ်ရာ အနာတရ၊ ရန်သူ၊ တရားဥပဒေ၊ အမူ့အခင်း၊ မျက်လုံးကျန်းမာရေး၊ အိပ်မပျော်တဲ့ ရောဂါ၊ အရေပြားရောဂါ၊ အူသိမ်အူမရောဂါ၊ ယောက်ကျား ငယ်ပါရောဂါ၊ စသည်တို့နဲ့ ပတ်သက်ပါသတဲ့။ အကောင်းအဆိုး အကြောင်းအကျိုးအတွက် ဗုဒ္ဓဟူးဂြိုလ် Mercury ရဲ့ တည်နေရာပေါ်မှာ မူတည်သဖြင့် မွေးဇာတာခွင်ကို ကြည့်မှ ပိုသိနိုင်ပါသတဲ့။ အထွေထွေအနေနဲ့ ပြောရမယ်ဆိုရင် တပါးသူတွေ ရဲ့ အရူတ်ထုတ် ပြသနာများကို ဝင်ရောက် ဖြေရှင်းပေးရင်း တာဝန်ရှိသူများနဲ့ ရင်ဆိုင်ရတတ်ပါတယ်။ အစာခြေအင်္ဂါများ၊ အစာအိမ် နဲ့ အူသိမ် အူမတို့ ရောဂါအလွယ်တကူ ရကိန်းရှိသောကြောင့် ကိုလက်ကျန်းမာရေး လေ့ကျင့်ခန်း၊ လေကောင်းလေသန့် ရူရိူက် လေ့ကျင့်ခန်းများလုပ်ပြီး၊ အစာကြေလွယ်သော အစားအစာ အသီးအနှံများစားကာ ရေသန့်များများသောက်ပေးရန် လိုအပ်ပါသတဲ့။
Source: : This research came from the combination of S. GENESH’S BHAVA ANALYSIS, ANDREW BLOOMFIELD’S How To Practice VEDIC Astrology, Umang Taneja’s The Text Book of Astrology, and Ronnie Gale Dreyer’s VEDIC ASTROLOGY (A Guide to the Fundamentals of Jyotish) book and can get free birth chart from following web sites;
http://www.vedicastrology.us.com
http://www.horoscopes.astro-seek.com
No comments:
Post a Comment