အကြွင်း ၀ MAHABOAT

အကြွင်း ၀ ရှိသောတနင်းဂနွေသားသမိး မွေးတုန်းကပုတိဖွားဖြစ်နေလို့ မကြာခဏဖျားတတ်ပြီးအသက် ၃ နှစ် အရွယ်မှာအကြီးအကျယ် နာမကျန်းဖြစ်တတ်ပါတယ်။ အသက် ၇ နှစ် မှ ၂၁ နှစ်အကြားအသင့် အိမ်ရဲ့ စိးပွားရေးတိုးတက်ကိန်းရှိပါတယ်။ အသင်ဟာယောက်ကျားလေးဆိုရင် တပြေတရွာသူအရာရှိအရာခံတို့ ရဲ့သမိးနဲ့ တွေ့ကိန်းရှိပါတယ်။ ပြီးတော့ သူမနဲ့ လက်ထပ်ပြီးနောက် ဇနီးရဲ့ အသိုင်းအဝိုင်းအဆက်အသွယ်နဲ့ အလုပ်အကိုင် ကောင်းကောင်းတွေ ရရှိနိင်ပါတယ်။ ဒါပေမဲ့ အသင်ဟာမိန်းခလေးဆိုရင် ဇာတ်လမ်းကတမျိုုးဖြစ်မယ်။ အသက် ၂၉ နှစ်မှ ၄၆ နှစ်အတွင်းအသင်သည် ခေါင်းဆောင်ဖြစ်နိုင်သော အဓိပတိအိမ်မှာ ရောက်နေသဖြင့် အလုပ်မှာရာထူးတိုးပြီးပိုအဆင့်မြင့်တဲ့ လုူနေမူ့အဆင့်အတန်းမျိုးရလာနိုင်ပါတယ်။ သို့သော် ရောက်ရှိနေသည့် ဗုဒ္ဓဟူးစိုးမိုးသောဂြိုလ်သည် မွေးဂြိုလ်တနင်းဂနွေနှင့် ရန်သူဖြစ်နေသဖြင့် အခက်အခဲတချို့ကိုရင်ဆိုင်ဖြေရှင်းရမယ်။ အလွန် စွမ်းရည်မြင့်သောယောက်ကျား (သို့) ဘာအစွမ်းအစမှ မရှိသောယောက်ကျားမျိုးနဲ့ အိမ်ထောင်ကျနိုင်သည်။ အိမ်ထောင်လဲကွဲနိုင်သည်။ အသက် ၄၇ မှ ၅၆ နစ် အတွင်းစနေဂြိုလ်ဘင်ဂအိမ်သို့ ရောက်ရှိသဖြင့် အလုပ်အကိုင်၊ နေအိမ်၊ စိးပွားရေးလုပ်ငန်းစသည်တို့ အပြောင်းအရွေ့ ရှိသလို၊ တရားရုံးမှာအမူရင်ဆိုင်ရကိန်းလဲရှိသည်။သို့သော် ဒီဂြိုလ်အိမ်သည် မွေးဂြိုလ်နှင့် မိတ်ဖက်ဖြစ်နေသဖြင့် သိတ်စိုးရိမ်စရာမရှိ။အသက် ၅၇ ကနေ ၇၀ အတွင်းမှာသင်ရဲ့ဘဝဟာဆင်းရဲတာကနေချမ်းသာ၊ ချမ်းသာရာမှ လူကြီးခေါင်းဆောင်ဖြစ်ကိန်းရှိပါသည်။ ခြုံငုံပြောရရင် ငယ်ငယ်က ကံနိမ့်သူလိုမွေးဖွားကြီးပြင်းခဲ့သော်ငြားလည်း အိုဇာတာကောင်းသူဖြစ်ပါတယ်။ အကြွင်း ၀ ရှိသောတနင်းလာသားသမိး အသင်သည် ချမ်းသာ ကြီးပွားနိုင်မည့် သိုက်ဖွားတွင် မွေးဖွားလာသူဖြစ်သဖြင့် ချမ်းသာသောမိသားစုမှာ ပေါက်ဖွားခြင်း၊ သင့်ကိုမွေးပြီးနောက် အိမ်စီးပွားတက်ခြင်းများ ရရှိနိုင်ပြီးစိတ်အပြောင်းအလဲ မြန်သူတယောက်ဖြစ်နိင်ပါသည်။ အမေရဲ့ ပြုစုစောင့်ရှောက်မူ့ကိုဖခင်ထက် ပိုရနိင်လိမ့်မည်။အသက် ၁၆ နှစ် နဲ့ ၂၃ အကြားမှာအသင် နဲ့ အသင့် မိသားစုတို့ရဲ့ ငွေရေးကြေးရေးနဲ့ ကျန်းမာရေး သိတ်အဆင်မပြေနိုင်ပါ။ အသင်ဟာယောက်ကျားလေးဆိုရင် မိန်းမလှတယောက်ကို လက်ထပ်ရကိန်းရှိပါတယ် ဒါပေမဲ့ မိန်းခလေးဆိုရင်တော့ အသင်ရဲ့ ယောက်ကျားဟာ လူလိမ်၊ ဆေးသမား၊ အရက်သမား ဖြစ်နိုင်ချေရှိပါတယ်။ အသက် ၂၄ မှ ၄၀ ထိအသင်ဟာ အဓိပတိအိမ် မှာရောက်နေတာမို့ အလုပ်တွေမှာရာထုူးတိုးခြင်း၊ ငွေကြေး အဆင်ပြေခြင်းစတဲ့ကိန်းတွေရှိနေပါတယ်။ အသက် ၄၁ မှ ၅၀ အတွင်းစနေဂြိုလ်မှာ ရောက်နေလို့ အလုပ်အကိုင်တွေ၊ မိသားစုနဲ့ နေအိမ် စသည်စသည်တို့ ပြောင်းရွေ့ရကိန်းရကိန်း၊ လူလိမ်ခံရကိန်းရှိပါတယ်။ သို့သော် ဒီဂြိုလ်အိမ်ဟာမွေးဂြိုလ် နဲ့ မိတ်ဖက်ဖြစ်နေလို့ သိတ် စိုးရိမ်စရာမလိုပါ။ အသက် ၅၁ ကနေ ၆၉ အတွင်းမှာသင့်ရဲ့ အိမ်မက်တွေ အကောင်အထည် ပေါ်လာနိုင်ပါတယ်။ လူမူရေး၊ နိုင်ငံရေး၊စိးပွားရေး နယ်ပယ်မှာ ခေါင်းဆောင်တယောက် ဖြစ်လာနိုင်ချေရှိနေပါတယ်။ ခြုံပြောရရင် အသင့်ကို သားသမိးက အထောက်အကုူပေးနိင်ကိန်းရှိပြီး ဆွေမျိူးတွေကသိတ်ပြီးသုံးစားမရကိန်းမြင်ပါတယ်။ အမြဲမမေ့သင့်တာကပညာနဲ့ ဗဟုသုတတွေက အသင့်ကိုဝိုင်းဝန်းလို့ ဆွဲချမဲ့ ရန်သူတွေကိုရှောင်ကွင်းနိုင်မဲ့ အရာတွေ ဖြစ်တယ်ဆိုတာပါဘဲ။ နောက်တခုက အဲဒိညံ့တဲ့ နှစ်တွေမှာရောဂါလဲရနိုင်ကိန်းရှိတယ်ဆိုတာပါဘဲ။ အကြွင်း ၀ ရှိသောအင်္ဂါသားသမိး အသင်ဟာမရဏလို့ခေါ်တဲ့ ကောင်းခြင်း၊ဆိုးခြင်းတွေကိုအလွန်အမင်း ဖြစ်စေခြင်းနဲ့ သေမင်း ဂြိုလ်အိမ်မှာ မွေးဖွားလာသောကြောင့် မွေးမွေးချင်းတိမ်းပါးနိုင်ကိန်းရှိပါတယ် (သို့) မိဘတွေကို အနွံအတာပေးဖို့ မွှေးလာသလိုဘဲ။ သို့သော် သင့်မှာဆွဲဆောင်နိုင်သော ရုပ်ရည်ရှိတတ်ပါတယ်။ အသက် ၉ နှစ်မှ ၂၅ အတွင်းဗုဒ္ဓဟူးဂြိုလ် စိုးမိုးသော အဓိပတိအိမ်မှာရောက်နေသဖြင့် ကျန်းမာရေးနဲ့ ငွေရေးကြေးရေးအခြေအနေ ပိုမိုကောင်းမွန်လာကိန်းရှိပါတယ်။ ပညာရေးမှာအတော်အောင်မြင်ကိန်းရှိပါတယ်။ အသင်ဟာယောက်ကျားလေးဆိုရင် ပညာတတ် မိန်းမလှတယောက်ကို လက်ထပ်ရကိန်းရှိသော်လည်း အမျိူးသမိးကစိးပွားရေးအရကော၊ စိတ်ဓါတ်အရရော ကြိုးကိုင်လွန်းသဖြင့် မပျော်နိုင်ဖြစ်နေကိန်းရှိပါတယ်။ မိန်းခလေး ဆိုရင်တော့ ရမဲ့ ယောက်ကျားက အရာရှိ၊ မန်နေဂျာ ဖြစ်နိုင်ချေ ရှိပါတယ်။ အသက် ၂၆ နှစ် မှ ၃၅ နှစ် အတွင်းအသင်ဟာ ပြောင်းလဲတတ်တဲ့ ဘင်ဂ ဂြိလ်မှာရောက်နေသဖြင့် အလုပ်အကိုင် နဲ့ ငွေရေးကြေးရေး ကြပ်တည်းမူ့ ကြုံကိန်းရှိပါတယ်။ အသင်ဟာမိန်းခလေးဆိုရင် အိမ်ထောင်ကွဲကိန်းရှိပါတယ်။ အလုပ်အကိုင်တွေ၊ မိသားစုနဲ့ နေအိမ်စသည်စသည်တို့ ပြောင်းရွေ့ရကိန်း၊ လူလိမ်ခံရကိန်းရှိပါတယ်။ သင့်ရဲ့ အိမ်တို့ အခန်းတို့ မိးလောင်ကိန်းလဲရှိပါတယ်။ အသက် ၃၆ ကနေ ၅၄ နှစ် အတွင်းမှာတော့ သင်ဟာစနေဂြိုလ် စိုးမိုးတဲ့ သြဇာဂုဏ်ရှိန်တက်နေသော ရာဇဂြိုလ်အိမ်မှာရောက်နေသဖြင့် အလူပ်အကိုင် စိးပွားတိုးတက်ပြီး ယောက်ကျားဆိုလျင် မိန်းမငယ်များနဲ့ ခြေရူပ်ကိန်းရှိပါတယ်။အသက် ၅၅ နောက်ပိုင်းမှာလည်းကံဇာတာက မြင့်နေလို့ လူရိုသေ၊ရှင်ရိုသေ၊ အပူဇော်ခံရသူတယောက် ဖြစ်ကိန်းရှိပါသည်။ အကြွင်း ၀ ရှိသောဗုဒ္ဓဟူး(နေ့လည်မတိုင်ခင်မွေးသော)သားသမိး အသင်ဟာ အဓိပတိဖွား (ခေါင်းဆောင်ဂြိုလ်အိမ်) မှာမွေးဖွားလျှင် အသင့်မှာ ခေါင်းဆောင်တယောက်ဖြစ်လာနိုင်တဲ့ ရုပ်ရည်မျိုးနဲ့ မွေးဖွားလာတတ်ပါတယ်။အသက် ၂ နှစ် အရွယ်မှာ အလွန်အမင်း နာမကျန်းဖြစ်တတ်ပါတယ်။အသက် ၁၈ ကနေ ၂၇ နှစ် အတွင်းစနေဂြိုလ် စီးနေသောဘင်ဂအိမ်မှာရောက်နေသဖြင့် သင် နဲ့ မိသားစုတို့ ငွေရေးကြေးရေး အခက်အခဲ ရှိကာပညာရေး၊ နေအိမ် တို့မှာလည်း အတည်တကျ မရှိကာ ရွှေ့ပြောင်းနေရကိန်း ရှိပါတယ်။ မကောင်းတဲ့ လူများကိုလည်း တွေ့ရှိရမှာဖြစ်ပြီး ကိုယ့်အမျိုးတွေကတောင်မှ ကိုယ်သွားချင်တဲ့ လမ်းကို နှောက်ယှက်ကိန်းရှိပါတယ်။ အသင်ဟာအဓိပတိဖွားနဲ့ မွေးဖွားထားသူမို့ စိုးရိမ်စရာမရှိပါ။အသက် ၂၈ နှစ် ကနေ ၄၆ နှစ်မှာတော့ ကြာသာပတေးဂြိုလ်စိးသောရာဇအိမ်မှာ ရောက်နေလို့ ဘဝဟာ အခွင့်အလမ်းတွေ အောင်မြင်မူ့တွေ ရရှိနိုင်ပါတယ်။ အီမ်ထောင်ဖက် အသိုင်းအဝိုင်းဆီမှလည်းကောင်း၊ မိတ်ဆွေသယ်ရင်းများဆီမှလည်းကောင်း၊ လုပ်ငန်းကျွမ်းကျင်သူတို့ထံမှ အကူအညီများရကိန်းရှိပါတယ်။ အသက် ၄၇ နှစ် ကနေ ၅၈ နှစ် အတွင်းရာဟု ဂြိုလ်စိးသော အဓိပတိအိမ် နဲ့ အသက် ၅၉ ကနေ ၇၉ နှစ်မှတော့ သောကြာဂြိုလ် အထွန်းအီမ် ရောက်နေသဖြင့် အသင်ဟာ အိုဇာတာကောင်းတဲ့ သူတယောက်ဖြစ်လိမ့်မယ်။ သူများတွေကို သင်ကဦးစီးနိင်၊ကူညီနိုင် မှာဖြစ်ပြီး ကျန်းမာ ချမ်းသာ လန်းဖြာစွာ နေရကိန်းရှိပါတယ်။ အကြွင်း ၀ ရှိသော ကြာသာပတေးသားသမိး ကြာသာပတေးဂြိုလ် စိးသောရာဇအိမ်မှာ မွေးဖွားလို့ သင်ရဲ့မိဘများဟာ ပညာတတ်၊ ချမ်းသာပြီး ရာထူးကြီး အရာရှိကြီးများဖြစ်နိုင်ပါတယ်။ သင်ဟာဘာသာတရားကို ငယ်စဉ်ကတည်းက ကိုင်းရိုင်းမဲ့သူဖြစ်ဖို့များပြီး၊ အဲလိုမဟုတ်ရင် မာန်မာနထောင်လွှားကာ မိမိကိုယ်ကို ဂုဏ်ယူဝင့်ကြွားသူ ဖြစ်နေလိမ့်မယ်။ အသက် ၁၉ ကနေ ၃၁ နှစ် ကာလမှာရာဟုဂြိုလ် အဓိပတိ ဂြိုလ်အိမ်မှာရောက်နေခြင်း၊ အသက် ၃၂ ကနေ ၅၂ နှစ်ထိအထွန်းအိမ်ကို သောကြာဂြိုလ် စိးသဖြင့် ထိုနှစ်မှားမှာ ကုသိုလ်ကံအတော်ကောင်းမွန်ကိန်းရှိပါတယ်။ စီးပွားရေးတွေကောင်း၊ မိသားစုတောင့်တင်း၊ ပိုင်ဆိုင်မုူ့တွေ ဒုနဲ့ ဒေး၊ သူဌေးလေးကိန်းပေါ့။ အဲ..အသက် ၅၂ ကနေ ၅၈ နှစ်ရောက်လာတော့ တနင်းဂနွေဂြိုလ်စိးသော ပုတိအိမ်မှာရောက်နေလို့ ကျန်းမာရေး ချုချာလာသလို ငွေကြေးဆုံးရုူံးမူ့တွေလဲ ရှိလာနိုင်ပါတယ်။ သို့သော် အသက် ၅၉ ကနေ ၇၂ နှစ်မှာ တနင်းလာဂြိုလ် စိးနင်းသော သိုက်အိမ်ရောက်နေလို့ ငွေးရေးကြေးရေး အလုပ်အကိုင် စိးပွားရေးတွေ ပြန်လည်စိုပြေလာကိန်းရှိပါတယ်။ အသက် ၇၃ နှစ်မှ ၈၀ အတွင်းမရဏအိမ် အင်္ဂါဂြိုလ် စီးလို့ အသက်သေကိန်းရှိပါတယ်။ ခြုံပြောရရင် အသင်ဟာကံကောင်းသူတယောက်ပါ။ သင့်ဘဝတလျောက်လုံးမှာချမ်းသာခြင်း၊ ဂုဏ်ရှိန်မြင့်ခြင်းတွေ ရနေလိမ့်မယ်။ ပညာ၊ ဗဟုသုတ၊ အသိုင်းအဝိုင်း အဆက်အသွယ်ကောင်းတွေဟာ အသင့်အတွက် လှေခါးထစ်တွေ ဖြစ်ပါကြောင်း။ အကြွင်း ၀ ရှိသောသောကြာသားသမိး အသင်သည် နံမည်ကြော်ကြား လူချစ်လူခင်များသော အထွန်းဖွားအနေဖြင့် မွေးဖွားလာသူဖြစ်သဖြင့်ချစ်ခင်နှစ်သက်ဖွယ် ရုပ်ရည်ရှိခြင်း၊ ပညာညဏ် ထက်မြက်ခြင်း၊ နံမည်ကျော်ခြင်းစတဲ့ ဂုဏ်ဓါတ်တို့ဖြင့် မွေးဖွားလာကိန်းရှိသည်။ အသင်ဟာ မိန်းခလေးဆိုရင် ပုရိသတွေ ဂျွမ်းပစ်သွားနိုင်လောက်တဲ့ မာယာတွေလဲရှိကိန်းမြင်တယ်။ အသက် ၂၂ ကနေ ၂၇ နှစ်ထိ အသင်ဟာ တနင်းဂနွေဂြိုလ် စိုးမိုးသော ပုတိအိမ်မှာရှိနေသဖြင့် မကြာခဏဖျားနာတတ်ပြီး ၂၂ နှစ်မှာချစ်သူရီးစားနဲ့ ကွဲနိင်ပါတယ်။ ဖခင်ဆီမှာဘာမှ စံထားစရာမရှိပေမဲ့ မိခင်ဟာသင့်ဘဝအတွက် တော်တော်အရေးပါနေတယ်။ အသက် ၂၈ ကနေ ၄၂ နှစ်မှာတော့ တနင်းလာဂြိုလ် စိုးမိုးတဲ့ သိုက်အီမ်ကို ရောက်လာလို့ ရာထူးတိုးခြင်း၊ ချမ်းသာတဲ့ ချစ်သူနဲ့ လက်ထပ်ရခြင်း၊ ငွေကြေးဖူလုံခြင်းစတဲ့ ကံကောင်းခြင်းတွေ ဖြစ်နိုင်ပါတယ်။ သို့သော် အသက် ၄၃ ကနေ ၅၀ နှစ်မှာတော့ အင်္ဂါဂြိုလ် စိုးမိုးသော မရဏအိမ် ရောက်နေသဖြင့် ကျန်းမာရေး ချုချာ၊ ငွေအသပြာရှာရခက်၊ ကိုယ့်အောက်က အလုပ်အတူလုပ်သူတွေနဲ့ ပြသနာတက်ကိန်းရှိပါတယ်။ ပြီးတော့ အသက် ၅၁ ကနေ ၆၇ နှစ်မှာတော့ ဗုဒ္ဓဟူးဂြိုလ်စိုးမိုးတဲ့ အဓိပတိအိမ်ရောက်လာလို့ အလုပ်အကိုင်တွေ အဆင်ပြေ၊ စိးပွားရေးတွေ တိုးတက်ပြီးသင့်ဘဝဟာ ပြန်လည်ကောင်းမွန်လာလိမ့်မယ်။ ခြုံပြောရရင် ခလေးရမယ်ဆိုရင် ပထမခလေးက မိန်းခလေးဖြစ်ဖို့များတယ်။ သင်ဟာကံကောင်းသူတယောက်ဖြစ်ပြီး အတတ်ပညာနဲ့ ဗဟုသုတ က သင်ငွေရှာနိုင်ဖို့ အထောက်အပံ့တွေဖြစ်တယ်ဆိုတာမမေ့ဖို့ပါဘဲ။ အကြွင်း ၀ ရှိသောစနေသားသမိး အသင်သည် မတည်ငြိမ် ပြောင်းလဲတတ်တဲ့ ဘင်္ဂဖွား အနေဖြင့် မွေးဖွားလာသူ ဖြစ်သဖြင့် သင် နဲ့ သင့် မိဘတို့သည် သင် အသက် ၁၀ နှစ်တိုင်အောင် ကံနိမ့်နေကိန်း ရှိပါသည်။အသက် ၇ နှစ်မှာအသဲအသန် ဖျားနာကိန်းရှိပြီးမိဘတွေ ငွေအကုန်အကျများကိန်းရှိပါတယ်။ ဖခင်ဖြစ်သူနဲ့ အကြောင်းတခုခုကြောင့် ခွဲခွာနေရမှာဖြစ်ပြီး သင် နဲ့ သင့်အမျိုးတွေအကြား အမုန်းပွားနေကြကိန်းရှိပါတယ်။ အသင်ဟာ ညဏ်ထက်မြက်သူ တယောက်ဖြစ်ပြီး ဒေါသခဏခဏထွက်တတ်သူ၊ တိတ်တိတ်ဆိတ်ဆိတ် နေတတ်သူဖြစ်နိုင်ပါတယ်။အသက် ၁၁ ကနေ ၂၉ နှစ်ထိအသင်ဟာ ကြာသာပတေးဂြိုလ် ရာဇအိမ် မှာရောက်နေလို့ ကံကောင်းလာကိန်းရှိပါတယ်။ တကယ်လို့ သင်ဟာ ၁၈ နှစ်မှာ ချစ်သူတွေ့ရင် အသက် ၂၀ မှာလက်ထပ်ရကိန်းရှိပါတယ်။ အဲဒါ ကောင်းတဲ့ ဆုံးဖြတ်မူ့ပါ။ အကြမ်းအားဖြင့် ပြောရရင် အသင် ယောက်ကျားလေးဆိုရင် အိမ်ထောင်တည်ထောင်မူ့ဟာ မဆိုးဘူးလို့ ပြောလို့ရပေမဲ့ မိန်းခလေးဆိုရင် သိတ်မကောင်းပါ။ အသက် ၃၀ ကနေ ၄၁ နှစ်ထိ အသင်ဟာရာဟုဂြိုလ် စိုးမိုးသော အဓိပတိအိမ်မှာရှိနေလို့ အလုပ်မှာရာထူးတိုးခြင်း၊ စိးပွားရေးလုပ်ငန်း အဆင်ပြေကိန်းတို့ ရှိနိုင်ပါတယ်။နောက် အသက် ၄၂ ကနေ ၆၂ နှစ်ထိအသင်သည် သောကြာဂြိုလ်စိုးမိုးသော အထွန်းအိမ်မှာရောက်နေလို့ လူလူသူသူ အသိများ အဆက်အသွယ်တွေ ပွားလာပေမဲ့ သင်ကူညီပေးခဲ့သောသူများရဲ့ ဆန့်ကျင်မူ့ကို ခံရကိန်းရှိပါတယ်။ သတိထားရမှာကတော့ အိမ်ထောင်ပျက်ကိန်းလဲရှိနေပါတယ်။ အသက် ၆၃ ကနေ ၆၈ နှစ်ထိ တနင်းဂနွေဂြိုလ်စိးသော ပုတိအိမ်မှာအသင်ရှိလို့ ကျန်းမာရေးကချုချာ၊ တရားရုံးရောက် အမူ့ကလဲရူံးကိန်းရှိနေပြန်ပါတယ်။ ဟော…အသက် ၆၉ ကနေ ၈၃ နှစ်အတွင်းကျတော့ တနင်းလာဂြိုလ်စိးသော သိုက်အီမ်မှာရောက်လာလို့ စိးပွားရေးတွေ ကောင်းနိုင်ပေမဲ့ ဘာသာရေးကိုလုပ်တာက ပိုကောင်းမွန်နိုင်မှာ ဖြစ်ပါတယ်။အသက် ၈၇ နှစ်ကတော့ သေကိန်းရှိတဲ့နှစ်ပေါ့။ အကြွင်း ၀ ရှိသောရာဟု (ဗုဒ္ဓဟူးမွန်းလွဲပိုင်းမွေးသော)သားသမိး အသင်ဟာ အဓိပတိဖွား (ခေါင်းဆောင်ဂြိုလ်အိမ်) မှာမွေးဖွားလျှင် အသင့်မှာ ခေါင်းဆောင်တယောက် ဖြစ်လာနိုင်တဲ့ ရုပ်ရည်မျိုးနဲ့ မွေးဖွားလာတတ်ပါတယ်။ အသက် ၂ နှစ် အရွယ်မှာ အလွန်အမင်းနာမကျန်းဖြစ်တတ်ပါတယ်။ အသက် ၁၃ ကနေ ၃၃ နှစ် အတွင်းသောကြာဂြိုလ် စိုးမိုးသောအထွန်းအိမ်မှာရှိနေသဖြင့် မိတ်ဆွေပေါများခြင်း၊ ဆန့်ကျင်ဖက်လိင်ကို ဆွဲဆောင်နိုင်သော အရေအသွေးတို့ရှိနိုင်ပြီး မှန်ကန်အကျိုးရှိစွာ သုံးတတ်ရန် လိုအပ်ပါသည်။ အသက် ၃၄ နှစ်နောက်ပိုင်း ၄၀နှစ် အတွင်း ပုတိအိမ်မှာရောက်နေလို့ သင်သတိထားနေရမဲ့ ကိန်းရှိတယ်။ သင့်မှာ အလုပ်အတူတူ လုပ်သူများနဲ့လည်းကောင်း၊ အပေါင်းအသင်းများနဲ့လည်းကောင်းဆက်ဆံမူမှာ ခက်ခဲမူတွေရှိနိုင်ပါတယ်။ သင်ယုံကြည်ရသောသူများရဲ့ လိမ်လည်မူကို ခံရဖွယ်ရှိပါသည်။ ဒီနှစ်တွေမှာ ဆုံးဖြတ်ချက်တွေ အရင်စလို မလုပ်မိဖို့် လိုတယ်။ အသက် ၄၁ နှစ်မှ ၅၄နှစ် အတွင်းမှာ တနင်းလာ ဂြိုလ်စိုးမိုးတဲ့ သိုက်အိမ်ကို ရောက်လို့ သင့်ဘဝတိုးတက် ပြောင်းလဲလာပါပြီ။ စိးပွားရေး လုပ်ငန်းတွေလဲကောင်းပြီး၊ ငွေဝင်လမ်းလဲဖြောင့်လာပါပြီ။ အီမ်ထောင်ဖက် အသိုင်းအဝိုင်းဆီမှလည်းကောင်း၊ မိတ်ဆွေသယ်ရင်းများဆီမှလည်းကောင်း၊ လုပ်ငန်းကျွမ်းကျင်သူတို့ထံမှ အကူအညီများရကိန်းရှိပါတယ်။ အသက် ၅၅ ကနေ ၆၂ နှစ် အတွင်း အင်္ဂါဂြိုလ်စိးသော မရဏဂြိုလ်ကိုရောက်ရှိသဖြင့် ကျန်းမာရေးမကောင်းလို့တကြောင်း၊ မတော်တဆ ထိခိုက်မူကြောင့်လည်းကောင်း ဆေးရုံရောက်ကိန်းရှိပါသည်။ တကယ်လို့ သင်မသေသေးဘူးဆိုရင် အသက် ၆၃ ကနေ ၇၉ နှစ် အတွင်း ဗုဒ္ဓဟူးဂြိုလ်ဟာ အဓိပတိအိမ်မှာရောက်နေလို့ အိုဇာတာကတော့ ကောင်းကိန်းရှိပါတယ်။ အထောက်အပံ့ကောင်းတွေ ရလာနိုင်ခြင်း၊ ငွေကြေးပြေလည်ခြင်းတွေ ဖြစ်လာနိုင်လို့ သင့်ဘဝဟာ အတော်လေး စိုပြေနိုင်ကိန်းရှိပါလိမ့်မယ်။